Sakshi Sunil Jadhav
स्वयंपाकघरात किंवा बाथरुममध्ये बसवलेला एक्झॉस्ट फॅन घरातली दुर्गंधी, धूर आणि ओलावा बाहेर टाकण्याचं महत्त्वाचं काम करतो. पण सततच्या वापरामुळे त्यावर धूळ, तेलकटपणा आणि घाण साचतो.
एक्झॉस्ट फॅन साफ करण्याआधी मेन स्विच बंद करा. सुरक्षिततेसाठी प्लग काढून ठेवणं जास्त फायदेशीर ठरेल.
फॅनच्या बाहेरच्या भागावर साचलेली धूळ मऊ कापड किंवा ब्रशच्या मदतीने हलक्या हाताने साफ करा.
काही फॅनचं कव्हर सहज काढता येतं. स्क्रू ड्रायव्हरच्या मदतीनेते अलगद काढून वेगळे ठेवा.
कव्हरवर तेलकट थर असेल तर कोमट पाण्यात डिटर्जंट मिक्स करून ते धुवा. नंतर स्वच्छ पाण्याने धुऊन पूर्णपणे वाळू द्या.
फॅनच्या ब्लेडवर चिकटलेली घाण काढण्यासाठी व्हिनेगर आणि पाण्याचे मिश्रण फायदेशीर ठरतं. कापडाने ब्लेड हलक्या हाताने पुसा.
फॅनची मोटर इलेक्ट्रिक भाग असल्यामुळे त्यावर थेट पाणी टाकणे टाळा. कोरड्या कपड्याने किंवा ब्रशनेच साफ करा.
कोपऱ्यातली धूळ आणि जाळीतली घाण काढण्यासाठी जुना टूथब्रश वापरा याने साफसफाई सोपी होते.
धुतलेले कव्हर किंवा ब्लेड ओले असताना पुन्हा बसवू नका. सर्व भाग व्यवस्थित वाळल्यानंतरच फॅन सुरू करा.